Den Elmar an de Päiperlek

Den Elmar geet spadséieren an héiert op eemol een ëm Hëllef ruffen. De Päiperlek ass an engem Lach gefaangen, well en Aascht erofgefall ass. Kee Problem fir den Elmar, fir en ze befreien. De Päiperlek seet Merci a versprécht, sech fir d’Hëllef ze revanchéieren. Ma den Elmar ka sech net richteg virstellen, wéi e Päiperlek engem Elefant hëllefe kéint … kuerz drop ass et dann awer esou wäit.

Eng spannend Geschicht, déi weist, datt déi Grouss och heiansdo op déi Kleng ugewise sinn.

Och dës Elmar-Aventure gouf vum Luc Marteling op Lëtzebuergesch iwwersat. Am Hierscht kënnt „Den Elmar an de Reebou“ eraus an am Wanter dann nach e Buch wéi en Elefant: „Mäin Elmar!“

David McKee
Den Elmar an de Päiperlek
ISBN ISBN 978-99959-39-85-4
28 Säiten, 12,95 Euro