Däerf ech an deng Lomp luussen? – NEIOPLO

D’Maus ass immens virwëtzeg. Iwwerall wëll se eraluussen, souguer an d’Lompe vun hire Frënn. Den Hues, d’Geess, de Mupp, d’Kou, d’Päerd an d’Schwéngche kréien een nom aneren hir Lomp ënnersicht …

Duerno wëllen d’Frënn natierlech och gewuer ginn, wat an der Maus hirer Lomp ass. Ma do dra verstoppt sech eng déck Iwwerraschung!

En häerzegt Billerbuch mat witzegen Opklapp-Wëndelen iwwer de Virwëtz vun enger klenger Maus …

… an eng flott Hëllef beim Potti-Training!

D’Buch vum Guido van Genechten ass am Original beim belsche Verlag Clavis erauskomm a gouf antëscht op e sëllege Sproochen uechter d’Welt iwwersat. Déi lëtzebuergesch Versioun ass vum Luc Marteling. Déi zweet Oplo ass am Mee 2022 erauskomm.

E Buch mat ville “Klappen”, fir datt Kanner propper ginn. En Heedespaass fir Kanner vun ongeféier zwee Joer un.

Guido van Genechten
Däerf ech an deng Lomp luussen?
ISBN 978-99959-39-75-5
14,95 Euro