Kremart-Monsteren op Youtube
Well d’Kanner aktuell net fir eng Liesung an d’Mierscher Lieshaus kënne kommen, huet sech d’Lieshaus eppes ausgeduecht, fir d’Liesung bei d’Kanner ze bréngen: Wann d’Kanner sech e schéine Pillem sichen a sech eleng oder mat den Eltere virun de Computer setzen an de Link heidrënner uklicken, da kënne se eng Online-Liesung genéissen – bal wéi am Lieshaus. A wann eng Kéier net duergeet, da lauschtert d’Geschichte einfach e puer Mol!
D’Cathia Nanquette-Streff liest zwou Monster-Geschichten aus dem Verlag Kremart Edition: “D’Buedwaassa-Monsta” vum Colin Boyd an Tony Ross an “Den Elmar an d’Monster” vum David McKee, béid iwwersat vum Luc Marteling.
D’Bicher si beim Verlag selwer scho méi laang vergraff, e puer Exemplairë sinn awer nach bei LORD.lu ze kréien:
Maacht Iech bäi!