De Summer ass d’Zäit vun de kuerze Boxen a leider och vun den oppene Knéien. Ma mat dësem Buch ass dat kee Problem méi! “Blosen, tréischten, Plooschter drop” heescht et … a scho sinn all d’Déieren nees gesond a monter a loosse sech nei Topegkeeten afalen. Am Original vum Henning Löhlein a Bernd Penners bei Ravensburger, vum Christiane Kremer fir Kremart op Lëtzebuergesch iwwersat.

D’Buch, dat Kremart 2016 als Iwwersetzung erausbruecht hat, war – trotz engem Nodrock – eenzock ausverkaaft. Mir schaffen aktuell un enger neier Oplo, hunn awer leider nach keen neien Datum.

2 aner Bicher mat Stickeren:

• Mat Kuscheldéieren: Kuschel, Kussi a gutt Nuecht
• Mat Brëller: De klenge Bier brauch e Brëll!

 

De Clou vum Buch: Et huet fest Säiten an et si 5 Spill-Plooschteren dran integréiert, déi d’Kanner op d’Boboe vun den Déiere peche kënnen. Eent pecht direkt um Cover, dofir ass do eng Schutzfolie drëm! An d’Plooschtere kann een esou dacks benotzen, wéi ee wëll. Se sinn einfach propper ze halen a bleiwe gutt pechen. Huet ee se bis een oder zwee Mol lassgemaach, geet dat ganz liicht!

An elo dat Allerbescht: D’Buch kascht just 10 Euro!

Blosen, tréischten, Plooschter drop
Mat fënnef faarwege Spill-Plooschteren
Illustratioun: Henning Löhlein
Text: Bernd Penners
Iwwersetzung: Christiane Kremer
Vivi Kremart by Kremart Edition
ISBN 978-99959-39-34-2
16 Säiten, 10 Euro