Liesung zu Lënster: Neien Elmar an nei Prinzessin
Loscht op eng nei Geschicht vun der klenger Prinzessin a vum faarweg karéierten Elefant Elmar? Dann hu mir hei genee dat Richtegt fir Iech!
Um Samschdeg, de 24. September um 10.30 Auer stelle mir an der Lënster Bibliothéik 2 nei Bicher vir: “Déi kleng Prinzessin: Mir ass et schlecht!” an “Den Elmar an d’Iwwerschwemmung”. Ausserdeem gi gelies: “Blosen, tréischten, Plooschter drop”, “D’Buedwaassa-Monsta” a vläit och nach “Poli & Maisy” …
Rendez-vous an der Bibliothéik am Centre culturel “Am Duerf” (8, rue du Village). Den Entrée ass fräi an deen Dag ass virum Kulturzenter och Maart!
