Bicher, déi frou maachen. Esou Bicher wëlle mir erausbréngen. Dat war eise Grondsaz, wéi mir Kremart Edition 2013 gegrënnt hunn. Mir, dat sinn d’Christiane Kremer, d’Viviane Leytem an de Luc Marteling. Mir hoffen, mir konnten eist Versprieche bis elo erfëllen …

Hei driwwer fannt Dir d’Bicher vun ‘Kremart Kanephora – Déi nei Bibliothéik vu Kremart Edition’. Do dernieft gëtt et zwou Reie mat Kuergeschichten op Lëtzebuergesch: ‘Smart Kremart by Kremart Edition’ gouf mam 20. Buch ofgeschloss (sämtlech Bichelcher sinn awer nach ze kréien). Den Nofolger heescht ‘Timba’!

Hei driwwer fannt Dir déi dräi Kannerbicher vum Christiane Kremer, hei drënner eis zwou beléiftsten Iwwersetzungen: d’Aventurë vum faarweg karéierten Elefant ‘Elmar’ vum Daviv McKee an d’Geschichte vun ‘Déi Kleng Prinzessin’ vum Tony Ross.

All d’Kremart-Bicher sinn an de Librairien ze kréien, eenzelner och bei Amazon, ma se kënnen och direkt beim Verlag bestallt ginn duerch Iwwerweise vun der Zomm (plus 2 Euro Porto) op de Kremart-Kont BGLL LU58 0030 8889 9726 0000. D’Bicher kommen da per Post, dofir w.e.g. net vergiessen unzeginn: Numm, Adress, Titel a Stéckzuel. Gäre kënnt Dir Är Commande och per Mail op kontakt@kremart.lu confirméieren. Merci am Viraus!

An den NEWS fannt Dir och eise ganze KATALOG 2019 als Download. Vill Spaass!